Կորպորատիվ իրավունք
Կորպորատիվ իրավունքի ոլորտում տարիներ շարունակ երկրի խոշորագույն ընկերություններին ցուցաբերած իրավական աջակցության արդյունքում ձևավորված բազմամյա փորձի շնորհիվ մեր թիմը կարողանում է արդյունավետ լուծումներ գտնել հաճախորդի ցանկացած կորպորտիվ խնդիրի վերաբերյալ։
Business Law Group ընկերությունը առաջարկում է՝
- Կորպորատիվ իրավունքի հարցերով իրավաբանական խորհրդատվության տրամադրում,
- Հաճախորդի կողմից ներկայացված փաստաթղթերի ուսումնասիրություն և ընկերության իրավական կարգավիճակի ընթացիկ վերլուծություն,
- Տարբեր տեսակի ընկերությունների/իրավաբանական անձանց հիմնադրում, լուծարում և վերակազմավորում (դուստր ընկերություններ, ասոցիացիաներ, ընկերակցություններ, կոոպերատիվներ, հիմնադրամներ, հասարակական կազմակերպություններ),
- Աջակցություն իրավաբանական անձանց մասնաճյուղերի և ներկայացուցչությունների ստեղծման և լուծարման հարցերում,
- Աջակցություն ընկերության բաժնետոմսերի համախմբման և բաժանման հարցում,
- Ընկերության կանոնադրական կապիտալի ավելացում և նվազեցում, միաձուլման և կլանման գործարքների նախապատրաստում և կնքում (M&A transactions),
- Ընկերությունների միաձուլման, միացման, բաժանման, առանձնացման և վերակազմավորման, արժեթղթերի հետ գործարքների կնքման համար փաստաթղթերի ամբողջական փաթեթի նախապատրաստում (օրինակ՝ արժեթղթերի առուվաճառք, բաժնետոմսերի գրավ և այլ գործարքներ),
- Բոլոր տեսակի կորպորատիվ փաստաթղթերի նախապատրաստում (հիմնադիր փաստաթղթեր, կանոնադրություններ, բաժնետիրական համաձայնագրեր և այլն);
- Համալիր իրավաբանական փորձաքննություն (DD) կորպորատիվ հարցերով, իրավաբանական խորհրդատվություն ընկերությունների ամենօրյա գործունեության և օրենքին համապատասխանության վերաբերյալ,
- Կորպորատիվ հարցերով իրավական կարծիքների և հուշագրերի նախապատրաստում, հաճախորդների անունից բանակցություններ և առևտրային գործարքների քննարկում,
- Ներքին կանոնակարգերի և այլ փաստաթղթերի կազմում,
- Միջոցների ձեռնարկում` արժեթղթերի շուկայի կանոններին հաճախորդի համապատասխանությունը ապահովելու համար,
- Բաժնետոմսերի և պարտատոմսերի /stocks/ նկատմամբ սեփականության իրավունքի պաշտպանություն,
- Բաժնետերերի ժողովների, տնօրենների խորհրդի նիստերի կազմակերպում, նիստերի արձանագրությունների և փաստաթղթերի նախապատրաստում, կորպորատիվ քարտուղարի գործառույթների կատարում։
Ձեռնարկությունների վերակազմակերպման ձևերը՝
Միաձուլում - իրավաբանական անձանց ձևափոխության ամենատարածված ձևերից է և ներկայացնում է բոլորովին նոր տնտեսվարող սուբյեկտի ստեղծումը, որը ստանձնում է բոլոր գույքային և ոչ գույքային իրավունքներն ու պարտականությունները։
Բաժանում - միաձուլման հակառակ ընթացակարգն է և իրենից ներկայացնում է նոր իրավաբանական անձանց կազմակերպում՝ ի սկզբանե գործող բիզնեսի գործունեության դադարեցման հիման վրա
Առանձնացում - իրենից ներկայացնում է բաժանման նման ընթացակարգ, բացառությամբ մեկ պայմանի՝ սկզբնական ընկերությունը շարունակում է գոյություն ունենալ որպես իրավաբանական անձ և իրականացնել ֆինանսատնտեսական գործունեություն:
Միացում - կորպորատիվ վերափոխումների այն տեսակներից է, երբ մեկ կամ մի քանի տնտեսվարող սուբյեկտներ միավորվում են արդեն գործող իրավաբանական անձի շուրջ և իրենց բոլոր իրավունքներն ու պարտականությունները փոխանցում վերջինիս:
Վերակազմավորում - իրավաբանական անձի իրավաբանորեն սահմանված վերափոխումն է այլ կազմակերպաիրավական ձևով ձեռնարկության։
Business Law Group ընկերության մասնագետները կօգնեն ձեզ ընտրել ձեր ընկերության համար վերակազմակերպման ամենահարմար ձևը, խոսափելով՝ բացասական հետևանքներից, հնարավոր տույժերից, վերահսկող մարմինների կողմից այլ ֆինանսական պահանջներից և այլն։